Бектеши: Се подобрува состојбата во економијата, обезбедени 50 милиони евра за петтиот пакет мерки
Министерот за економија Крешник Бектеши вечерва посочи дека се обезбедени 50 милиони евра за петтиот пакет мерки, и оти ќе бидат таргетирани секторски, каде има поголемо влијание од ковид-19 во делот на намалувањето на приходите и отпуштање на работници.
-Обезбедивме 50 милиони евра и моментално ги дизајнираме мерките и тие ќе бидат таргетирани секторски каде имало поголемо влијание од ковид-19 во делот на намалувањето на приходите на отпуштање на работници. Тоа ќе го направиме заедно со стопанските комори со сите засегнати страни, рече Бектеши во гостување на ТВ 24.
Тој потенцираше дека ќе ги собираат сите предлози кои доаѓаат во различни институции, вклучувајќи го и Министерството за економија и на почетокот на февруари согласно плановите, ќе излезат со тие мерки за да се реализираат. Како што рече, се подобрува состојбата во однос на економијата.
Во однос на вакцинацијата Бектеши посочи дека таа ќе влијае врз економијата и динамиката на опоравување, но истовремено според него треба да се земе в предвид и вакцинацијата во другите држави со кои земјава остварува трговски врски.
Министерот додаде дека со задоволство ќе ја прими вакцината, иако, како што посочи, има антитела по прележаниот Ковид 19.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња