Македонија
13. May 2022 - 21:03

Бектеши: Колку Северна Македонија му припаѓа на Мицкоски, толку ми припаѓа и мене

Министерот за економија Крешник Бектеши вечерва му одговори на претседателот на ВМРО-ДПМНЕ, Христијан Мицкоски, во гостување на ТВ 21 нагласувајќи дека за него е чест што е министер на Република Северна Македонија, но и одговорност затоа што ги застапуваа сите граѓани во државата и сите етникуми.

– Што се однесува до мојата изјава јас се произнесов дека по националност сум Албанец и ова е реалност, исто како што е реалност дека над 600.000 Албанци живеат во Северна Македонија. Колку што Северна Македонија му припаѓа на господинот Мицкоски, толку ми припаѓа и мене. Колку што се грижам јас толку треба и тој да се грижи. Не треба да го оживееме национализмот, да не го поларизираме општеството со вакви теми затоа што имаме позначајни работи. Главниот фокус за нас како Влада, но и за нив како опозиција, треба да биде подобрување на животниот стандард на граѓаните, кажа Бектеши.