Бектеши: До крајот на годинава ќе останат проекциите на Министерството за финансии за падот на БДП
Верувам дека до крајот на годинава ќе останат проекциите на Министерството за финансии за економскиот пад и покрај вчерашните прогнози на Меѓународниот монетарен фонд (ММФ) дека нашата економија годинава ќе бележи поголем пад на БДП од проектираниот, порача денеска министерот за економија Крешник Бектеши.
-Што се однесува до проекциите на ММФ за економскиот пад јас верувам дека проекциите на Министерството за финансии ќе останат до крајот на годината. Македонија веќе е пред усвојување на четвртиот сет економски мерки, а податоците што ги добиваме од Министерството за финансии покажуваат дека првите три сетa мерки биле успешни, рече Бектеши во одговор на новинарско прашање на денешната прес-конференција во Владата.
Ако правиме споредба со државите во регионот, посочи, мислам дека некои веќе го реализираат вториот или првиот сет економски мерки.
-Со стопанските комори уште еднаш ги потврдуваме нивните предлози што се прифатени од страна на Владата, како и сите предлози што се доставени и од институциите, посебно институциите од економскиот сектор. На таков начин заеднички ќе ги потврдиме мерките од четвртиот сет и сум убеден дека на почетокот на наредната недела ќе почнат и да се реализираат и ќе помогнат за заживување на стопанството, рече Бектеши.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка