Бегалците кои во центарот на Атина штрајкуваа со глад, го прекинаа протестот

Четиринаесет бегалци кои две недели штрајкуваа со глад и кампуваа на плоштадот Синтагма во центарот на Атина синоќа го прекинаа штрајкот.

Седуммината мажи и седумте жени, кои бараат да бидат обединети со нивните семејства кои се веќе во Германија, соопштија дека го прекинале штрајкот со глад за да ги заштитат своите деца кои се со нив на плоштадот Синтагма, од студеното, влажно време.

На синоќешната прес-конференција тие рекоа дека, иако го прекинуваат штрајкот со глад, ќе продолжат со својата борба „со цел нивните гласови да се слушнат во Грција и во Германија“.

Бегалците побараа да се забрза процесот за нивно испраќање во Германија, како дел од шемата на ЕУ за релокација на бегалци.