Барзани до Трамп: Крвта на Курдите е далеку повредна од парите и оружјата
Курдскиот лидер и поранешен претседател на курдскиот регион, Масуд Барзани, упати порака до американскиот претседател Доналд Трамп во која му пишува дека „крвта на Курдите е далеку повредна од парите и оружјата“, јавува Бас њуз.
Сириските Демократски сили (СДС) ја критикуваа одлуката на Вашингтон да ги повлече американските сили од Сирија и да даде зелено светло за турскиот воен упад во оваа блискоисточна земја.
„Почитуван претседате Трамп, ве молам, знајте дека луѓето на Курдистан секогаш си ги користеле правата што им припаѓаат. Единиците Пешмерга го уништија ИДИЛ и се ефективен дел од коалицијата против теророт“, напиша Барзани на Твитер во одговор на коментарите на Трамп. „Крвта на Курдите е многу повредна од парите и оружјата. Благодарам”, заврши Барзани со својата порака до Трамп.
Абид Ика, претставник на СДС во Курдистан, за Бас њуз изјави дека пораката на Барзани „е многу важна“, бидејќи Трамп, забележа тој, ја отвори темата за парите и оружјата, за да ја оправда својата одлука.
„Но, Барзани му кажа дека крвта на Курдите е повредна од парите”, повтори тој.
Ика, исто така, напомена дека курдскиот лидер ги разместил силите на Пешмерга во Кобани, во Сирија, кога реонот беше нападнат од ИД и „сега тој настојчиво ја повикува Русија да не ги заборави Курдите“.
Освен тоа, Ика посочи дека коментарите на Барзани се поздравени од курдскиот народ во Турција, изјавувајќи дека таа е „страшно добра“ изјава за курдската нација во Ирак, Иран, Сирија и Турција.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање