Барак Обама нема да присуствува на комеморацијата за Мохамед Али
Америкнскиот претседател Барак Обама нема да присуствува на комеморацијата по повод смртта на боксерската легенда Мохамед Али, затоа што в петок, за кога е закажана комеморацијата, неговата ќерка во Вашингтон ќе прима диплома за завршено средно училиште.
Комеморацијата за Али ќе се одржи во Луисвил во сојузната држава Кентаки, каде тој е роден во 1942 година, како Касиус Клеј, .
Мохамед Али почина минатиот петок во болница во градот Феникс во државата Аризона, во која беше примен поради проблеми со органите за дишење.
Белата куќа соопшти дека претседателот Обама и неговата сопруга Мишел ќе присуствуваат на пригодната свеченост на родителите во училиштето на нивната ќерка Малиа.
Обама претходно телефонски разговарал со сопругата на Али, а на комеморацијата, како претставник на Белата куќа ќе присуствува, високиот политички советник Валери Џарет, која лично се познавала со прославениот боксер.
На комеморацијата ќе присуствуваат низа познати личности од американскиот политички, спортски и јавен живот, како поранешниот претседател на САД, Бил Клинтон и актерот Вил Смит, кој во еден филм го толкуваше ликот на Али.
Обајцата на комеморацијата ќе одржат пригодни говори.
Во Луисвил утре ќе се одржи традицинална муслиманска погребна служба, во спортската сала „Фридом Хол“, каде Али (Касиус Клеј) во 1960 година ја извојува првата победа како професионален боксер.
На церемонијата е најавено присутвото и на јорданскиот крал Абдула и на турскиот претседател Реџеп Тајип Ердоган.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите