Банон е подготвен за Трамп да „тргне во војна“
Главниот стратег на Белата куќа, Стив Банон, кој синоќа се повлече од функцијата, изјави дека за претседателот Доналд Трамп би „тргнал во војна“, информира Блумберг.
-Доколку има некаква забуна, дозволете да се дообјаснам: ја напуштам Белата куќа и тргнувам во војна за Трамп против неговите противници - на Капитол, во медиумите и меѓу корпоративна Америка, изјави Банон во својот прв коментар, по неговото напуштање на функцијата што вчера беше објавено. Подоцна се дозна дека тој се враќа на позицијата генерален директор на десничарскиот сајт „Брајтбарт“.
Банон уште синоќа го предводел редакцискиот колегиум на сајтот и новинарите ги повикал да работат како никогаш досега на конзервативната кауза.
Оставката на Банон е резултат на обидите на генерал Џон Кели, кој неодамна го презеде раководењето со администрацијата на Белата куќа, да ги прекине внатрешните конфликти меѓу сорабтниците на Трамп, посочи весникот „Волстрит џорнал“, коментирајќи ја изјавата на портпаролката на Белата куќа, Сара Сандерс.
-Шефот на администрацијата на Белата куќа, Џон Кели, и Стив Банон се договорија денеска да биде последниот работен ден на Стив, рече Сандерс.
Според „Волстрит џорнал“, Банон во Белата куќа бил најмногу поврзан со претставници на конзервативните сили, со поддржувачи на популизмот и национализмот и овие идеи биле прифатени од Трамп во неговата предизборна кампања.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово