Бајрактаров: 80 проценти од ветувањата на СДСМ не се остварени во Струмица
Осумдесет проценти од ветувањата на сегашната локална власт не се реализирани, а граѓаните кои ги сретнав досега не се задоволни од досегашното работење на локалната самоуправа, истакна на денешната прес-конференција, кандидатот за градоначалник на Струмица од ВМРО ДПМНЕ, Марјан Бајрактаров.
-Во Струмица ветуваа нов пазар, плоштадот се распаѓа, ја нема ветената подземна сообраќајница, ги нема новите булевари, ниту новата пожарна станица, ги нема ветените детски градинки, во селата нема направено ништо, ги нема домовите на култура, парковите, ниту асфалтираните патишта, рече Бајрактаров.
Тој додаде дека и после 12 години на власт во Струмица повторно ги нудат истите ветувања.
-Можам да заклучам дека не само што не вложувале, туку и она што е направено, не е одржувано. Градот е претворен во депонија, нечистотијата е секојдневен декор на секоја улица, на секој тротоар. Деновиве, на само недела пред изборите се асфалтираат улици и се продаваат евтини приказни. Го потценуваат народот, рече Бајрактаров, додавајќи дека граѓаните заслужуваат достоинствено управување со општината, реални проекти и отчет за сработеното.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка