Бајден најави разговори со Путин и Зеленски за смирување на тензиите меѓу двете земји
– Американскиот претседател Џо Бајден изјави дека најверојатно ќе разговара со својот руски и украински колега во обид да ги смири тензиите меѓу двете земји, во време кога Русија е обвинета за акумулација на сили на нивната заедничка граница.
На прашањето на новинарите дали ќе разговара со претседателите на Русија и Украина, Владимир Путин и Володимир Зеленски, американскиот претседател одговори „многу веројатно“ и додаде дека е „загрижен“. Бајден, кој се наоѓа во Нантакет, во сојузната држава Масачусетс, ја повтори својата поддршка за „територијалниот интегритет“ на Украина. Претходно Белата куќа повика на континуирани дипломатски напори за смирување на тензиите меѓу Русија и Украина.
Советникот за национална безбедност на Бајден, Џејк Саливан, разговараше со украинскиот колега Андриј Јермак и двајцата се согласиле дека сите страни треба да продолжат со дипломатските напори за смирување на тензиите, изјави неименуван портпарол. Во последните неколку недели, САД, НАТО и Европската унија постојано изразуваат загриженост поради движењето на руските сили на украинската граница, пред се загрижени од можната инвазија на земјата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка