Бајден ја прими третата, засилувачка доза од вакцината против Ковид-19
Американскиот претседател Џо Бајден денеска ја прими третата доза од вакцината против Ковид-19, со надеж дека со тоа ќе им даде силен пример на Американците да ја прифатат дополнителната доза, додека некои од нив допрва треба да ја примат дури и првата.
Во САД, минатата недела беше одобрена третата доза на Фајзер / БиоНТек за сите лица над 65-годишна возраст, оние кои се повеќе изложени на вирусот поради природата на работата и лицата на возраст од 18 до 64 години со фактори на ризик за развивање на посериозна форма на болеста.
Бајден (78) првата доза ја доби на 21 декември минатата година, а втората на 11 јануари, што беше пренесувано во живо на телевизија за да го поттикне населението да се вакцинира.
Бајден денеска кажа дека неговата сопруга Џил, исто така, наскоро ќе ја добие дополнителната доза од вакцината.
Околу 60 милиони Американци имаат право на трета доза од вакцината, а од втората треба да поминат најмалку шест месеци.
Примајќи ја инјекцијата, Бајден ги отфрли критиките дека САД треба да им дадат повеќе вакцини на посиромашните земји пред да почнат со вакцинација во нивната земја.
-Ние ќе го направиме тоа што треба, рече тој.
Американската Агенција за храна и лекови (ФДА) се уште не го разгледала барањето на „Модерна“ за „засилувачката доза“, а „Џонсон и Џонсон“ се уште не аплицирале за неа.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово