Бајден ги помилува мисирките Чоколадо и Чип во пресрет на Денот на благодарноста
„Чоколадо“ и „Чип“ се имињата на двете мисирки од Северна Каролина кои претседателот на САД Џо Бајден денеска ги помилува во пресрет на еден од главните американски празници, Денот на благодарноста, кога деликатес на празничната трпеза е мисирка печена со путер.
Традицијата со мисирките потекнува од 1947 година, кога Националната федерација на мисирки започна да ја донира живината на претседателите пред Денот на благодарноста. Се верува дека Џон Кенеди е првиот претседател кој поштедил живот на мисирка, додека Џорџ Буш е првиот претседател кој ја формализирал традицијата со помилувањето.
-И сега, врз основа на нивниот темперамент и заложба да бидат продуктивни членови на општеството, со ова ги помилувам Чоколадо и Чип, рече Бајден. Инаку чоколаден сладолед со чоколадни зрнца е омилен десерт на претседателот.
Во краткиот говор по повод забавната традиција, тој изјави дека единствен црвен бран годинава би било ако неговот германски овчар, големото куче Командер, го истури сосот од боровинки за време на празникот, алудирајќи дека на среднорочните избори не се случи очекуваната убедлива победа на републиканците.
Ново на Сител
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж