Бадникова поворка по гостиварските улици

 Бадникова поворка од дечиња кои ја пееја старата коледарска песна „Вечниот Бог", помина денеска низ улиците во Гостивар како најава за големиот христијански празник Божик.

Поворката тргна од соброниот храм „Пресвета Богородица“ на градскиот плоштад, поминувајќи по улиците „Илинденска" и „Гоце Делчев" и заврши во црквата „Св.Петка“ во близина на железничката станица.

И годинава со благослов на митрополитот тетовско-гостиварски г Јосиф по трет пат, децата кои беа на чело на поворката ја носеа Витлеемската пештера, а носеа и божиќни ѕвезди што ја симболизира ѕвездата која ги водела тројцата мудреци до местото каде што бил роден Исус. Годинава, имаше деца од повеќе возрасти кои претходно се подготвуваа за поуспешно да ја изведат оваа возобновена православна традиција во Гостивар.

Поворката беше придружувана од свештенослужителите од гостиварското архиерејско намесништво од каде за учесниците во поворката беа подготвени пригодни подароци