Бабовски: Исплатени 5,5 милиони евра субвенции на 9.146 субјекти за одржување на овошни насади
Агенцијата за финансиска поддршка во земјоделството и руралниот развој (АФПЗР) денеска им исплати 5,5 милиони евра субвенции за одржување насади на вкупно 9.146 производители на јаболка, сливи, круши, кајсии, вишни, цреши, јагоди, малини, капини, боровинки, дуњи, мушмули, маслинки, јапонско јаболко, аронија, рибизла, гоџи бери, бадеми и лешници.
-Иако на средбите со овоштарите ветивме дека субвенциите ќе бидат исплатени до 30 март, направивме напор да го скратиме времето и што побрзо да стигнат до нив средствата кои им се неопходни за изведување на агротехничките мерки во нивните овошни насади, како и за да можат да се подготват за новата реколта, изјави директорот на АФПЗР Николче Бабовски.
Тој посочи дека со денешната исплата се реализирани сите барања што ги имаа производителите на јаболка и потсети дека претходно им беше прифатено барањето за продолжување на мерката за дополнително субвенционирање од три денари по предаден килограм индустриско јаболко до 30 јуни годинава.
-Со тоа се очекува да се откупат дополнителни 30.000 тони јаболка што значи нови 90 милиони денари за производителите. Во новата програма за директни плаќања за 2019 година по препораките од Европската Унија дополнителната субвенција од три денари е трансформирана во нова мерка со која ќе се субвенционира по површина и тоа ќе значи зголемување на субвенцијата од 39.000 на 50.000 денари по хектар, а за подрачја со ограничени можности, односно подрачја што се наоѓаат над 700 метри надморска висина им се даваат дополнителни 15 проценти зголемувања или 57.500 денари по хектар, посочи Бабовски.
Потсети дека во последниот месец е извршена исплата на сметките кај 81.000 субјекти за поледелство, раноградинарство, лозарство и за сточарство со што во земјоделството се вратени 40,5 милиони евра свеж капитал кои фармерите ќе може да ги реинвестираат за своите потреби. Апелираше сите баратели на субвенции да доставуваат целосни и точни податоци и точни трансакциски сметки за да може навреме да бидат исплатени средствата од владините мерки за финансиска поддршка на земјоделството.
Ново на Сител
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи