Бабиш: Жалам што бев комунист
Чешкиот премиер Андреј Бабиш изрази жалење што бил член на Комунистичката партија, за време на свечената комеморација по повод 30-годишнината од „Кадифената револуција“ во Прага, со која беше урнат комунизмот во тогашната Чехословачка.
– Како што сигурно знаете, јас бев член на Комунистичката партија. Со тоа не се гордеам – рече Бабиш на церемонијата на која присуствуваа неговите унгарски, полски и словачки колеги, како и претседателот на германскиот парламент Волфганг Шојбле.
– Не бев храбар и ангажиран после Вацлав Хавел – рече тој.
– Денес сум овде, како премиер избран на слободни и демократски избори. Значи, барем сега, сакам да изразам благодарност и понизност – рече Бабиш, заблагодарувајќи им се на оние што ги започнаа протестите во 1989 година.
Бабиш го обвинуваат за корупција, поради што речиси 250.000 луѓе протестираа вчера во Прага, барајќи негова оставка.
Неговата малцинска влада зависи од поддршката на комунистичките пратеници.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка