Азески: Инфраструктурата останува приоритет
Македонската економска политика да излезе надвор од границите на земјата, со инвестиции во големи трговски ланци и изградба на хотелски капацитети кои би го повлекле нашето производство на регионален пазар. Во светот постојат само конкуретни и неконкуретни економии. Технолошкиот развој ја елиминира националната економија и поради тоа, мора да се свртиме 100 проценти кон регионот и светот.
Ова го истакна претседателот на Стопанската комора на Македонија Бранко Азески на панел-дискусија во рамки на 24. Копаоник бизнис-форум.
Азески имаше обраќање на тема „Реформска програма на регионалните инвестиции: еден регион едно стопанство“, по што одговараше и на прашања.
Инфраструктурата, потенцира, останува најголем приоритет, бидејќи е основа на сите приказни околу регионалниот развој и раст, а ние на тој план имаме, рече, направено многу малку.
- Најмногу имаме направено на планот на автопатиштата, најмалку за инфраструктурата на железницата, а и гасификацијата мора да остане голем приоритет. Друга работа е прашањето на владеењето на правото во регионот и неговата хармонизација, бидејќи на тој план се наоѓаме во правен хаос, подвлече Азески.
Според него, трета работа која логично произлегува од првите две, се парите.
- Немаме повеќе можности да се задолжуваме, бидејќи го достигнавме таванот, а се сомневам и во волјата на инвеститорите во вакви околности да инвестираат. Поради тоа, неопходно е да побараме помош од Европската унија, особоено за прашањата за инфраструктурата, владеењето на правото, корупцијата, за повторно да бидеме атрактивни за инвестирање, истакна Азески.
Во врска со откупот и продажбата на земјоделските производи, истакна дека владината поддршка даде резултат.
- Владата на Република Македонија има вложено многу пари преку субвенции во земјоделството и тоа е добро, зголемен е откупот, модернизирано е производството, меѓутоа нашата економска политика треба да тргне вон границите на Македонија со инвестиции во големи трговски ланци и иизградба на хотелски капацитети, кои би го повлекле нашето производство на регионален пазар. Стопанската комора работи на тоа. Технолошкиот развој ја елиминира националната економија, сметам дека таа приказна е завршена и мораме да се свртиме 100 проценти кон регионот и светот. Постојат добри македонски компании, кои веќе работат на тоа и ние максимално ги подржуваме, додаде Азески.
Бизнис-форумот во Копаоник се одржа од 7 до 9 март. Имаше 1.140 учесници, 120 акредитирни новинари, 20 панели, три пленарни сесии, четири специјални случувања и две панел презентации. Се зборуваше на теми поврзани со економијата, образованието, науката и здравството. Присуствуваа високи државни функционери и влијателни бизнис лидери кои ја разгледуваа програмата за реформи во регионот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка