Азар објави крај на репрезентативната кариера
Играчот од средниот ред на Реал Мадрид и Белгија, Еден Азар објави повлекување од националниот тим.
– Денес се врти страница… Ви благодарам за вашата љубов. Ви благодарам за вашата поддршка. Ви благодарам за сета среќа што ја споделуваме од 2008 година. Решив да ја завршам кариерата во репрезентацијата. Замената е подготвена. Ќе ми недостига репрезентацијата, напиша Азар на социјалните мрежи.
Триесет и едногодишниот играч одигра 126 натпревари за националниот тим, постигна 33 гола и направи 36 асистенции. Неговото деби се случи во ноември 2008 година.
Азар го зазема 4-тото место по број на натпревари и 2-то по голови во историјата на белгиската репрезентација.
Со репрезентацијата Азар стигна до бронзен медал на Светското првенство во Русија 2018 година.
На Светското првенство во Катар 2022 година, Белгијците не успеаја да ја поминат групата, завршувајќи на третото место по Хрватска и Мароко.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува