Автомобилскиот гигант Јагуар ги затвора фабриките и отпушта работници
Британскиот производител на автомобили Јагуар Ленд Ровер (ЈЛР) откако забележа намалување на продажбата во Европа и Кина, ги затвори своите фабрики на една недела.
Таквата одлука, како што пишува весникот „Гардијан“, е дел од подготовките за излез на Велика Британија од ЕУ. Затворени се четири британски фабрики, во кои работат вкупно 18.500 луѓе.
Најголемиот британски производител на автомобили има обичај да го прекине производството во пресрет на Велигден, но оваа година тоа го направи една недела порано.
Работниците во фабриките на ЈЛР и во текот на овие три недели, колку што ќе бидат затворени, ќе добиваат плата, но сите тие часови ќе мора да ги надополнат.
Покрај затворањето на фабриките, компанијата поради лошите бизнис резултати предизвикани од Брегзит, почна да им дава откази и на своите работници.
Во минатата фискална година ЈЛР продаде 578.915 свои возила, што претставува пад од речиси шест отсто, додека само во март продажбата се намалила за 8,2 отсто во споредба со истиот период минатата година.
ЈЛР ширум светот има 40.000 вработени, а ќе отпушти 4.500. Најголем број од отпуштените ќе бидат вработени на менаџерските позиции.
Ново на Сител
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228
-
ДИК: Oд обработени 63,59% oд гласовите Силјановска Давкова 214.560, Пендаровски 105.593