Австрискиот канцелар Себастијан Курц поднесе оставка
Австрискиот канцелар Себастијан Курц поднесе оставка, јавуваат светските медиуми.
Ќе биде заменет со министерот за надворешни работи, Александар Шаленберг, предложи Курц во своето обраќање до медиумите.
Во својот говор тој рече дека обвинувањата против него датираат од 2016 година и дека ќе докаже дека не се точни.
„Многу политичари го доживеаја тоа, но овој пат е поинаку, бидејќи коалицискиот партнер одлучи да заземе став против мене“, истакна Курц.
Тој се заблагодари на владиниот тим и како што рече, овде не се работи за партиски интереси, ниту за неговата личност, туку за земјата.
Себастијан Курц ќе остане претседател на партијата и клубот.
Медиумите потсетуваат дека австрискиот канцелар Себастијан Курц е под истрага поради сомнение за корупција.
Покрај Курц, Обвинителството за борба против корупцијата спроведе истрага за уште девет лица и три организации.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени