Австриски компании заинтересирани за инвестиции во Македонија
Две австриски компании се заинтересирани за конкретни инвестиции во Македонија. Едната е од областа на осигурувањето, а другата планира отворање Регионален центар за услуги.
Според Герхард Шлатл од Трговското одделение на Австриската амбасада во Скопје, се уште е рано да се соопштат детали околу инвестициите, но извесно е дека компаниите нема да вложат во слободните економски зони.
- И покрај актуелната политичка состојба во Македонија, австриските компании се заинтересирани за економска соработка и изнаоѓање деловни партнери тука. Доказ за тоа е претстојниот бизнис форум што ќе се одржи идната недела во Скопје, на кој доаѓа досега најбројна австриска деловна делегација, составена од претставници на девет фирми, истакна Шлатл на прес-конференција во Стопанската комора на Македонија.
Според Комората, австриско-македонската трговска соработка бележи благ пад со оглед на негативниот биланс од 17 милиони долари во првите три месеци од годинава. Австрија, од 14-ти трговски партнер на Македонија лани, сега е на 16. место.
- Токму организирањето директни бизнис средби меѓу македонските и австриските потенцијални деловни партнери е во насока на подобрување на соработката. Прехранбената индустрија, животната средина, инфраструктурата, земјоделството, текстилната, автомобилската индустрија и туризмот се само некои од секторите кои имаат голем потенцијал за интензивирање на соработката, нагласи Јадранка Аризанковска од Стопанската комора.
Вкупната трговска размена меѓу Македонија и Австрија во првите три месеци од 2016 година е 39,86 милиони долари што претставува раст од 10 отсто споредено со истиот период во 2015. Извозот е 11 милиони долари или 51 отсто повеќе, додека увозното салдо изнесува 28 милиони долари што е намалување за 0,6 проценти. Македонските компании во Австрија најмногу извезуваат текстил и производи од металната индустрија, а увезуваат месо и други прехранбени производи, како и производи од фармацевтската индустрија.
На претстојниот австриско-македонски бизнис форум закажан за 7 јуни ќе учествуваат компании од различни области: преработка на дрво, производство на алати, машини и опрема за технички профили, производство на теренски возила, компании кои се занимаваат со рехабилитација на болни лица и фирми кои произведуваат специјализирана козметика.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово