Австралија купува 12 француски подморници
Австралија го финализира договорот вреден 50 милијарди австралиски долари (36,15 милијарди американски долари) со Франција за изградба на флота од 12 конвенционални подморници, изјави денеска австралискиот министер за одбрана Кристофер Пајн.
Иако во претходните соопштенија имаше информации дека преговорите околу огромниот проект се соочуваат со проблеми, Пајн рече дека сите клучни аспекти на договорот за стратешко партнерство се завршени. Тој ќе биде потпишан на почетокот на 2019 година, а првата од 12-те подморници ќе и биде испратена на австралиската морнарица по 2030 година.
Според командантот на морнарицата Мајкл Нунан, новите ненуклеарни подморници од класата „Шортфин Баракуда“, произведени во Франција, ќе ја гарантираат „регионалната супериорност“ на Австралија.
– Тие ќе ги задоволат потребите на австралиската морнарица и ќе помогнат да ја заштитиме нашата безбедност и просперитет во следните децении, истакна адмирал Нунан.
Претходно оваа недела, група военопоморски офицери од резерва изјавија дека француските подморници биле премногу скапи и сложени и треба да бидат разгледани поевтините алтернативи. Француската понуда беше најпосакувана пред германската и јапонската.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка