Македонија
8. March 2020 - 18:16

Аврамовски за Детектор: Новиот закон на ДУИ значи клуч на врата за кладилниците и карта за Германија за 7.700 вработени

Измените на Законот за игри на среќа кои ќе значат оддалечување на спортските обложувалници и казина на 3 километри од населените места, значи клуч на врата за нашиот бизнис, вели Дејан Аврамовски од Здружението на вработени во бизнисот со игри на среќа „Сакам да работам“ во Детектор.

„Сакам да му укажам на господинот можеме да го добиеме ова. Ова е клуч на врата на сите обложувалници и казина и карта за Германија“ вели Аврамоски покажувајќи му на пратеникот на ДУИ, Реџаил Исмаили авионска карта.
„Вие предлагате Детонатор од 2011 година, вие предлагате илегални казина и обложувалници. Вие предлагате од нешто што е законско и добро, да стане незаконско.“ – вели Аврамовски објаснувајќи дека од овој бизнис во буџетот годишно се слеваат 250 милиони евра.