АВМУ: Кампањата за „прееманципирани“ жени е мизогинистичка и сексистичка
Агенцијата за аудио и аудиовизуелни медиумски услуги по извршениот надзор констатира дека спотови од заедничка кампања во сопствена продукција на Сити Радио, Клуб ФМ и Метрополис Радио Мрежа, која е наменета за „сите прееманципирани жени“, се мизогинистички и сексистички.
Кампањата, како што посочуваат од АВМУ, претставува дискриминација врз основа на пол, ширење мизогинија и сексизам што е флагрантно кршење на Законот за аудио и аудиовизуелни медиумски услуги. Трите радиодифузери кои ја продуцирале оваа кампања, се посочува, се однесуваат на начин кој е непоимлив и целосно неспоив со професионално однесување.
- Во кампањата, еманципацијата на жените и на мажите се поставуваат како два процеса кои меѓусебно се исклучуваат, еманципацијата и стремежот на жените да го достигнат максимумот во своите кариери се претставува како негативна појава, успешните жени се подложуваат на потсмев и омраза, а на децата и младите од обата пола им се испраќа порака дека не се еднакви и дека не треба да се стремат кон еднаквост, велат од Агенцијата.
До трите радија се упатени известувања за констатираното прекршување на Законот. Извештајот од надзорот е достапен на веб страницата на Агенцијата (линк до извештајот), а ќе биде испратен и до Комисијата за заштита од дискриминација.
Ново на Сител
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс