Авион со дупка во трупот кружел над Белград и прунудно слетал на аеродромот „Никола Тесла“
Авионот кој синоќа полета од белградскиот аеродром „Никола Тесла“ за Диселдорф принудно слета кусо потоа. Ер Србија објави дека причината е технички дефект, но се појави видео од авионот со дупка на трупот, јавува „Н1“.
Пилотот на авионот кој синоќа полетал од Белград за Диселдорф, набргу по полетувањето побарал веднаш да слета, а „Ер Србија“ соопшти дека причините за принудното слетување се од техничка природа. Во меѓувреме, на социјалната мрежа „Икс“ се објавени неколку видеа и фотографии на кои се гледа дупката во авионот.
Поточно, дупка може да се забележи на трупот на авионот на „Marathon Airlines“, кој лета за „Ер Србија“.
Како што споделија на социјалните мрежи дел од патниците кои биле на овој лет, авионот извесно време кружел и потоа слетал. Според информациите на социјалните мрежи, во авионот имало повеќе од 100 патници, пренесува „Н1“.
„Ер Србија“, исто така, објави дека безбедноста на патниците во ниту еден момент не била загрозена.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник