Свет
12. September 2017 - 11:50

Авион принудно слета во Тулуз поради сомнеж за пожар

Авион на лет од Канарските Острови до Германија, принудно слета на аеродромот „Тулуз-Бланњак“, порад сомнеж дека избувнал пожар во одделот за сместување на багажот, јави дописникот на МИА од Париз.

Авионот „Боингот 737“ на турската нискобуџетна компанија „Санекспрес“ на лет од Фуертевентура до Дизелдорф неочекувано слета на аеродромот „Тулуз-Бланњак“, по добиениот сигнал за пожар во одделот за багаж, соопштија аеродромските власти.

При проверката на леталото не е пронајдена никаква трага од пожар.

Сепак. сите 192 патници ја минаа ноќта во терминалот на аеродормот, каде им беа обебзедени кревети и храна, соопшти службата за информирање на аеродромот.

Предвидено е патниците да го продолжат патот кон Германија вечерва во 19:30 часот.