Балкан
8. September 2015 - 14:07

Атина: Русија избра друга рута за летовите кон Сирија

Русија планира да користи воздушен коридор источно од Грција за превезување помош до Сирија, што значи дека прашањето за користење на грчкото воздушно пространство за вакви летови веќе не постои, изјави денеска портпаролот на грчката Влада.

Грција, која е дел од НАТО, била замолена од Москва да им овозможи на два руски авиони со испораки да поминат низ воздушниот простор во насока на Сирија помеѓу 1 и 24 септември, но САД побарале Атина тоа да не го прави.

- САД побараа од Грција да не дозволува прелет на два руски авиони со испораки за Сирија во грчкиот воздушен простор, потврди портпаролот на Кремљ Дмитриј Песков.

Грција одговори дека ќе размисли за барањето на САД, но во меѓувреме Русија одлучила да користи нова рута за авионите.

Вчера рускиот министер за надворешни работи Сергеј Лавров изјави дека руската страна никогаш не е ја криела намерата да испорача воена опрема на сириските власти, за да можат да се борат против терористите.