Атина очекува технички договор со кредиторите до 20 март
Наспроти постоечките разлики со меѓународните кредитори, грчките власти се оптимисти дека двете страни ќе постигнат технички договор најдоцна до 20 март, јави АНА-МПА.
Агенцијата повикувајќи се на извори во грчката Влада наведува дека во досегашниот тек од преговорите бил надминат проблемот со фискалниот дел и дека Меѓународниот монетарен фонд (ММФ) дал гаранции дека нема да се појави „дупка“ во буџетот на Грција за 2018 година.
Истиот извор додал дека сега преговорите се насочени кон мерките што треба да ги преземе Владата, како и за прашања поврзани со реформи на пазарот на трудот.
Според него, со техничкиот договор што Атина очекува да биде поситгнат до 20 март, нема да бидат превдидени мерки што грчката Влада би требало да ги спроведе во текот на 2019 година.
Меѓународните кредитори од 2010 година, па досега, на Грција и одборија три пакети помош. Последниот пакет, одобрен во јули 2015 година, предвидува на Грција да и бидат исплатени позајмици во износ од 86 милијарди евра. Од оваа сума досега на Атина и се префрлени 31,7 милијарди евра.
Во замена грчката Влада се обврза да ги зголеми даноците и да ги намали пензиите и платите на вработените во државниот сектор.
Атина сега се обидува да постигне технички договор за исплата на нова транша од помошта, без при тоа да мора да спроведува дополнителни мерки на штедење.
Ново на Сител
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени