Атина: Меѓународната улога на Грција е надградена
Средбите на грчкиот премиер Алексис Ципрас со високи функционери од целиот свет на маргините на Самитот на НАТО во Варшава покажуваат дека меѓународната улога на Грција е надградена и докажуваат дека е столб на стабилноста во регионот и пошироко, соопштија грчки владини извори.
Ципрас во Варшава се сретна со американскиот претседател Барак Обама, рускиот претседател Владимир Путин и кинескиот премиер Кси Џинпинг, а дел од истата политика се и посетите на премиерите на Турција, Египет, Израел, Палестина и Иран, додаваат изворите.
Односите на пријателство и соработка изградени од страна на Грција со серија земји, придонесува за создавање на столб на мирот и стабилноста, кој е особено потребен во време на интензивирање на регионалните тензии и конфликти. Премиерот ја спореди Грција со „дрво кое ги има своите корени на Запад, но ги шири своите гранки кон Исток, Југ и Север“.
Според истите извори, како што јави дописникот на МИА од Атина, надградена регионална улога на земјата е експлицитно призната во заедничката изјава по официјални средби со рускиот и кинескиот лидер. Од своја страна, Обама ја нагласи улогата на земјата и истакна дека е целосно информирани за продлабочените односи со Русија и Кина.
Ново на Сител
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ