Балкан
16. January 2017 - 9:58

Атина ги демантира тврдењата за разидување во ставовите со Никозија за проблемот за Кипар

Грчката Влада демантира дека постои неусогласеност меѓу Атина и Никозија во однос на Кипар, пишува весникот „Имерисија".

Премиерот Алексис Ципрас ги разбира, се согласува и поддржува напорите на претседателот на Република Кипар за праведно и одржливо решавање на кипарскиот проблем врз основа на резолуциите на ОН, без гаранции и без окупаторски војски, а во интерес на кипарскиот народ, се вели во официјалното владино соопштение.

Во него се нагласува дека уште еднаш во медиумите се прави претпоставка за разминување во ставовите меѓу Атина и Никозија или се претставува како нефлексибилна позицијата на грчката страна. Тврдењата се несериозни, велат од грчката Влада.

Во соопштението се истакнува дека во рамките на преговарачкиот процес за Кипар министерот за надворешни работи успешно ја реализирал стратегијата, поставена од грчката влада.