Асад: Западот е одговорен за создавање на ИД

Сирискиот претседател Башар ал Асад го обвини Западот дека е одговорен за раѓање на Исламска држава.

– Многумина ќе ви речат дека Даеш (арапски акроним за ИД) нема природен и социјален инкубатор во Сирија, вели Асад во интервјуто за РАИ.

Според него,  џихадистите кои се обучени во Сирија за да извршат напади во Париз и каде било на друго место, за тоа се способни „благодарение на поддршката од Турција, Саудијците и Катарците и на западната политика која ги поддржуваше терористите на разни начини“.

– ИД не почна од Сирија. Почна од Ирак и претходно во Авганситан, изјави Асад цитирајќи го поранешниот британски премиер Тони Блер, според кој „војната во Ирак придонела за раѓање на ИД“.

– Неговото признание претставува најважен доказ, изјави сирискиот претседател.

Асад вели дека не може да се зборува за политичка транзиција во неговата држава се додека бунтовници држат делови од Сирија.

– Кога тоа ќе се реши, 1,5 до 2 години ќе бидат доволни за транзиција, изјави Асад.