Асад подготвен за директни разговори со опозицијата

Сирискиот претседател Башар ал Асад е подготвен за директни разговори на Дамаск и сите опозициски групи, вклучувајќи ги и оние вооружените, изјави денеска членот на Одборот за одбрана на руската Дума и координаторот за соработка со сирискиот Парламент, Дмитриј Сабљин, јави ТАСС.

Сергеј Гаврилов, кој исто така е член на руската парламентрна делегација, која е во посета на сирискиот Парламент изјави дека Асад се надева оти по втората рунда разговори во Астана ќе почнат директни преговори на двете страни на Сирија. 

Членовите на руската Дума, задолжени за односи со сирискиот Парламент од понеделникот престојуваат во Дамаск, каде за тековните проблеми разговараат со сириските колеги.