Арсовска Томовска на Светскиот самит за Отворено владино партнерство во Париз
Во рамките на четвртиот по ред ′Светски самит за Отворено владино партнерство 2016′ во Париз, Министерката за информатичко општество и администрација Марта Арсовска Томовска учествуваше на две панел-дискусиии насловени како: „Градење на доверба во Владите„ и „Одговорност и отчетност кон граѓаните преку јавните услуги“ како и на министерската тркалезна маса посветена на имплементацијата на Отворена влада.
Учесниците, како што информира Министерството за информатичко општество и администрација, дискутирале за можностите кои ги нуди отворената влада во однос на реформите во јавниот сектор и социо-економскиот развој, а беа разменети мислења и за иднината на Агендата за отворена влада. Арсовска Томовска меѓу другото се осврна на начините со кои јавната администрација ќе биде отчетна и ќе претставува вистински сервис за граѓаните.
Самитот, кој се одржува од 7 До 9 декември е во организација на Владата на Република Франција, ОЕЦД и иницијативата Отворено владино партнерство. На него учествуваат политички лидери и претставници на граѓанското општество од 70 земји во светот: вкупно 3 илјади присутни и тоа шефови на држави или влади, министри, државни службеници, парламентарци, локални власти, претставници на граѓански организации. Меѓу учесниците се и претседателот на Франција Франсоа Оланд, како и претседателот на Европската комисија Жан Клод Јункер.
Во рамки на посетата, министерката Арсовска Томовска, исто така, имаше можност да сподели искуства со своите колеги министри од повеќе земји во Европа и светот, за теми како зголемување на инклузивноста при креирањето политики и испораката на услуги, зајакнување на владиното партнерство со граѓаните и граѓанските организации, како и придонесот на отворената влада кон доброто управување, демократијата и инклузивноста.
Република Македонија во 2011-та година пристапи кон глобалната инцијатива за Отворено владино партнерство. Согласно обврските за сите земји кои се приклучија кон оваа инцијатива, досега се подготвени три акциски планови (2012-2014, 2014-2016 и 2016-2018).
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари