Фудбал
7. January 2019 - 20:02

Арсенал ќе понуди 70 милиони евра за Хамес Родригез

Крилото на Реал Мадрид, Хамес Родригез, кој игра како позајмен во Баерн Минхен, може да ја продолжи кариерата во Англија.

Арсенал е подготвен да плати 70 милиони евра за Колумбиецот, што му одговара раководството на „кралскиот“ клуб, соопштува „Мирор“.

Неодамна се појавија информации дека Баерн нема намера да ја активира клаузулата за откупување на играчот вредна 42 милиони евра и во текот на летото тој треба да се врати во Реал.

Се зборуваше и за интерес од Јувентус кон 27-годишниот фудбалер. Неговиот договор со Реал е до летото 2020 година.

Оваа сезона, Хамес зеде учество во 11 натпревари за баварците во сите натпреварувања, постигна три гола и асистираше за два.