Loading Video...
Фудбал
16. December 2019 - 16:04

Арсенал гостува кај Олимпијакос, а Манчестер Јунајтед кај Бриж во 1/16-финалето во ЛЕ

Пет дуели ќе привлечат посебно внимание во шеснаесетинафиналето во Лига Европа
 
Ланскиот финалист Арсенал во Лига Европа првиот од двата дуели против Олимпијакос ќе го игра во Атина, а тешко гостување на првата средба од 1/16-финалето ќе има и Манчестер Јунајтед кај Клуб Бриж. 
 
Минатогодишниот полуфиналист во Лигата на шампионите Ајакс место меѓу 16-те најдобри ќе брка во двомечот со Гетафе, а неизвесно се очекува да биде и на дуелите меѓу Баер Леверкузен и Порто, како и украински Шахтјор и Бенфика. 
 
Стефан Ристовски, кој е единствениот македонски претставник во Лига Европа со својата екипа Спортинг Лисабон за место во осминафиналето ќе се бори против турскиот претставник Истанбул Башахшехир
 
Првите натпревари ќе се играат на 20 февруари, а реваншите на програмата се седум дена подоцна (27 февруари 2020). 
 
ДВОЈКИ ЗА ШЕСНАЕСТИНАФИНАЛЕТО ВО ЛИГА ЕВРОПА
ОЛИМПИЈАКОС – АРСЕНАЛ
БРИЖ – МАНЧЕСТЕР ЈУНАЈТЕД
БАЕР ЛЕВЕРКУЗЕН – ПОРТО
ГЕТАФЕ – АЈАКС
ШАХТЈОР – БЕНФИКА
СПОРТИНГ ЛИСАБОН – ИСТАНБУЛ БАШАХШЕХИР
АЈНТРАХТ ФРАНКФУРТ – САЛЦБУРГ
ВУЛВЕРХЕМПТОН – ЕСПАЊОЛ
РОМА – ГЕНТ
ГЛАЗГОВ РЕНЏЕРС - БРАГА
КОПЕНХАГЕН – СЕЛТИК
АПОЕЛ – БАЗЕЛ
КЛУЖ – СЕВИЉА
АЗ АЛКМАР –ЛИНЦ
ЛУДОГОРЕЦ – ИНТЕР
ВОЛФСБУРГ – МАЛМЕ
 
Полскиот град Гдањск ќе биде домаќин на финалниот меч закажан за 27 мај 2020 година.