Армијата на САД планира пренамена на хотели, студентски домови во болнички капацитети
Америкински воени инженери се подготвуваат да пренаменат околу 10 илјади соби во повеќе хотели, студентски домови и други објекти во болнички капацитети откако бројот на случаи од коронавирус во Њујорк се зголемува со геометриска прогресија и градот стана најголемо жариште на епдимеијата во САД.
Откако властите во Њујорк и другите држави од источното американско крајбрежје препорачаа минимални физичка социјална интеракција и луѓето да остануваат дома, многу хотели во градот деновиве се празни или затворени, јави синоќа „Волстрит журнал“. Со воведената забрана за летови нема туристи и други посетители, откако разни настани и конферецнии се откажани.
Весникот дознава дека падот на посетеноста на хотелите во Њујорк е многу полош и од периодот по терористичките напади на 9 септември 2001 година.
На располагање за пренамена во болнички капацитети се и студентските домови низ градот откако студентите, поради опасност од ширење на коронавирусот, започнаа да слушаат настава онлајн од дома. А некои универзитети ги повикаа студентите да се спакуваат и да заминат најдоцна до денеска, недела, бидејќи „сè поизвесно е дека државата ќе ги наполни собите со болнички кревети“.
Се дознава дека армијата планира да се договори со разни хотели, колеџи и можеби и празни спортски стадиони, за предвидената зголемена потреба од болнички капацатити.
Во четвртокот, армијата во Њујорк испрати и болнички брод од американската морнарица за потребите од медицински помагала и сместувачки капацатите за лекување на заболените.
Бројот на заразени од коронавирус во Њујорк во изминатите денови се зголемува со геометриска прогресија, и градот стана најголемо жариште на епидемијата во САД. Така, заклучно денеска, во Њујорк се потврдени 12.237 случаи на заболеност, а починати се 75 лица.
На ниво на САД регистрирани се речиси 27 илјади случаи на заболени од Ковид-19, додека вкупно починати се 336 лица.
Ново на Сител
-
Г-7 одлучни да ја засилат ПВО на Украина
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија