АРМ пофалена за резултатите во исполнување на интероперабилноста за членство во НАТО
- Поддршка и пофални зборови за високата обученост и резултати што АРМ ги прикажува во исполнување на потребната интероперабилност за членство во НАТО, искажаа соговорниците на средбите на началникот на ГШ на АРМ, генерал-потполковник Методија Величковски со високи воени раководители на НАТО и партнерските армии.
Како што АРМ соопшти, Величковски средбите ги остварил изминатите два дена на НАТО конференција на Началници за трансформација, што се одржува во седиштето на Врховната команда на НАТО сојузничките сили за трансформација во Норфолк-САД.
Конференцијата, што се одржува под мотото: „Подготви се за утрешнината, сподели ја иднината“ е отворена од заменик генералниот секретар на НАТО, Росе Готемоелер и врховниот командант на НАТО за трансформација, генерал Денис Мерсиер, има за цел преку продлабочување и унапредување на меѓусебните врски и споделување на иновативни решенија на учесниците, да се подобри и ефикасноста на трансформациските процеси на НАТО и партнерските армии.
На дводневната конференција, на пет форумски сесии, се обработувале теми за „Развој на идните способности“, „Лидерство, професионален развој и насочување на таленти“, „Подобрување на процесот на донесување на одлуки“, „Трендови во логистиката“ и „Подобрено и агилно следење и извидување на Заедничките разузнавачки служби во идните операции“.
Од АРМ посочуваат дека значењето на оваа конференција го потврдува и големиот број на учесници на високи раководни функции од сите 29 земји членки на НАТО алијансата, партнерските нации, командата на НАТО за трансформација, како и претставници од воената индустрија
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар