Аријана ја продолжува европската турнеја и покрај честите терористички напади
Со засилени мерки за безбедност, со концертот во Париз сношти, американската поп ѕвезда Аријана Гранде ја продолжи својата европска турнеја.
Пејачката настапи пред неколкуилјадната публика во Акор Хотелс арената. Околу концертната сала движењето беше ограничено, а беа донесени и кучиња за откривање експлозив и секој посетител беше претресуван.
На 22 мај, на концертот на Аријана во Манчестер, исламист се саморазнесе и уби 22 лица. Одговорноста ја презеде терористичката група Исламска држава (ИД).
Минатата недела пејачката одржа и добротворен концерт во Манчестер, во сеќавање на жртвите и за помош на ранетите во нападите. Тоа се случи еден ден по терористичкиот напад во Лондон, каде тројца исламисти убија осуммина и ранија приближно 50 луѓе. ИД е одговорна и за овој напад.
Во Париз завчера, маж вооружен со чекан и ножеви нападна полицајци пред катедралата Нотр Дам, пред да биде застрелан и ранет. Вчера, во болничката соба започна и неговиот распит. Според извори блиски до истрагата, на видео снимка пронајдена во неговиот стан, и овој напаѓач бил ревносен приврзаник на ИД.
Ново на Сител
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион
-
Расчистена кражба во Гостивар
-
Сончево и топло до крајот на неделава со температури до 27 степени