Апостолу: Во Грција ќе се легализира марихуаната за медицински цели
Грчкиот министер за земјоделство Евангелос Апостолу изјави дека грчката Влада планира да привлече инвестиции за одгледување на марихуана за медицински цели.
- Таквата мерка може да доведе до заздравување на економијата. Производителите пројавија интерес за инвестиции во висина над 1,5 милијарди евра за проекти за оранжерии за одгледување на канабис. Со тоа Грција ќе заземе место на светскиот пазар, посочи Апостолу.
Владата на премиерот Алексис Ципрас планира да поднесе предлог закон за легализација на марихуаната за медицински цели до Парламентот до крајот на годината. Предлог законот предвидува во еден комплекс од 12 до 15 оранжерии да се создадат околу 400 работни места.
- Илјадници грчки пациенти кои се заболени од рак и Паркинсова болест ќе можат да добијат препарати, кои се произведуваат во Грција во согласност со принципите на Светската здравствена организација, посочи Апостолу.
Тој додаде дека грчката Влада не планира целосно да го декриминализира одгледувањето и продажбата на марихуана.
Употребата на марихуаната за медицински цели е дозволено во Белгија, Германија, Шпанија, Израел, Финска, Полска, Португалија, во некои сојузни американски држави и во Австралија. Медицинската марихуана се користи при епилепсија, анорексија, бронхијална астма, мигрена, артритис, болести на рбетот, како и психички и невролошки нарушување.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово