Загрозени се неколку села, а испаничените жители им притрчуваа напомош на соседите кои мораа да се пробијат низ пламенот за да побегнат.
Не е познато дали има повредени или настрадани.
Полицијата од округот Бјут Каунти вели дека евакуацијата важи за целиот град Парадајс кој има 27.000 жители и се наоѓа на речиси 300 километри североисточно од Сан Франциско.
Локалниот шериф рече дека властите се обидуваат да спасат што е можно повеќе загрозени граѓани. Евакуирани се сите пациенти од локалната болница и префрлени во соседните места.
Од противпожарната служба наведуваат дека ширењето на огнот го помага силниот ветер, сувите грмушки и малата влажност.
Над Парадајс и околните места се надви густ сив чад кој може да се види од многу далеку.
Затворена е блиската делница на автопатот, а националната метеоролошка служба издаде црвено предупредување за опасност од пожар во многу делови од Калифорнија.
