Македонија
29. November 2018 - 16:14

Апелација ја укина затворската казна за дедото на малата Тамара - предметот вратен на повторно судење

Апелација ја укина затворската казна од 7,5 години за Љупчо Стојановски, дедото на малата Тамара од Велес, која му беше досудена за обид за убиство на поранешниот министер за здравство, Никола Тодоров.

Пресудата е недоволно јасна и разбирлива, а во образложението не се содржани доволно причини за решителните факти во однос на постоењето на предметното кривично дело и кривичната одговорност на страна на обвинетиот, пишува во одлуката на апелација.

Второстепениот суд случајот го врати на повторно судење од почеток, а првото рочиште е закажано за 5 декември.

Стојановски се обиде да пука врз Тодоров на денот кога тој требаше да ја предаде министерката функција на 1 јуни минатата година.

Неговата внука, малата Тамара Димовска почина пред повеќе од три години, чекајќи операција на рбетот во странство, за што кривичниот суд води процес против лекарите и членовите на комисијата.