Апел од МВР: Да се јават граѓаните со украдени тркала и фелни, пронајдени крадците
Против четиричлена група што крадела и препродавала тркала од возила во Скопје и се стекнала со противправна имотна корист од околу 100.000 денари се поднесени кривични пријави до надлежното Општо јавно обвинителство во Скопје.
Како што информира СВР Скопје, кривичните пријави се поднесени против А.А. (24), Б.Г. (29), Д.М. (30) и Ш.Б. (48) осомничени дека извршиле три „тешки кражби“ и едно кривично дело „прикривање“. Од страна на судија на претходна постапка на Б.Г. му е изречена мерка притвор во траење од осум дена, а на останатите три лица им е одредена мерка на претпазливост - одземање патна исправа и задолжително еднаш неделно јавување во суд.
Осомничените ги извршувале кривичните дела на подрачјата на Аеродром, Центар и Карпош со возило „фолксваген поло“, сопственост на А.А. Во подземните гаражи во зградите, откако ќе се увереле дека нема да бидат забележани од никого, ги демонтирале сите четири тркала на паркираните возила.
Полицијата по претходно добиени сознанија, извршила претрес во домот на А.А. при што пронашла поголема количина на комплет алуминиумски фелни со гуми, а во возилото алат и предмети со кои ги извршувале кривичните дела, при што А.А. е лишен од слобода.
Во полициската станица Центар тој во целост ги појаснил начините на кои ги извршувале кривичните дела и изјавил дека дел од украдените предмети ги продале на четвротпријавениот Ш.Б. кој поседувал нелегален вулканизерски сервис во населбата Ѓорче Петров 2.
Полицијата при претрес кај Б.Г. пронашла и одзела пиштол марка „Екол Фират Магнум“ кој е даден на вештачење на ОКТИВ при МВР на РМ, а тој е лишен од слобода.
Третопријавениот, по распишана телеграма за локален распис за лице на 3 февруари годинава, бил лишен од слобода и приведен во полициската станица Центар каде во целост ги признал кривичните дела. Во полициската станица Центар е повикан и Ш.Б. со кој е извршен разговор по што и од него се одземени дел од украдените предмети.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела