Македонија
1. December 2020 - 11:19

Апасиев до Албанците: Сега е моментот да застанете рамо до рамо со нас, вашите вековни комшии

Пратеникот и лидер на Левица, Димитар Апасиев во објава на социјалната мрежа Фејсбук ги повика Албанците да го осудат Османи и да застанат рамо до рамо со Македонците во момент кога во Софија се распорадава македонскиот идентитет.

„Драги сограѓани АЛБАНЦИ.
Замислете ваква ситуација: Република Албанија да има министер за надворешни работи етнички Македонец и тој, во име на сите Албанци, да преговара со Република Турција за тоа дали Скендер Бег е Албанец или Турчин!? Дали ќе се осеќате пријатно? Дали тоа нема да ве фрустрира?
Е токму тоа нас ни го прави Бујар ОСМАНИ! Во име на Македонците преговара со Бугарија што биле Кирил, Методиј, Климент, Наум, Самоил, Гоце... Со кое право? Со чие полномошно?
Затоа, драги сограѓани Албанци. Сега, во овие драматични моменти, кога дрско и тајно се распродава нашиот идентитет во Софија, сега е моментот да го осудите Османи и да застанете рамо до рамо со нас, вашите вековни комшии!
Смрт на фашизмот, слобода на народот!
#БујареОтстапиЗаДобротоНаСите“, напиша Апасиев на Фејсбук.