Антикорупциска: Фирмите на советникот Усеини не може да добиваат тендери од Општина Охрид
Антикорупциската комисија од Општина Охрид бара да ги раскине сите договори со фирмите што се во сопственост на советникот Нефи Усеини. Причина за одлуката е судирот на интереси, но и повредата на законите.
Од Државната комисија за спречување на корупција, до Општина Охрид е испратен допис со мислење дека ќе настане состојба на судир на интереси доколку општината склучи договор со правно лице каде како сопственик се јавува член на Советот на Општина Охрид, а како управител се јавува член на неговото семејство.
„Советникот во советот на општината има статус на службено лице и извршува јавни овластувања и должности и не може да воспостави деловни односи со правно лице, кое е во негова сопственост или во сопственост на член на неговото семејство или во кое тој или член на неговото семејство поседува акции или удели или кое го основал тој или член на неговото семејство или во кое одговорното лице е член на неговото семејство“ се наведува во соопштението на антикорупциска.
Усеини е член на Советот на Општина Охрид, а истовремено, од претпријатијата со кои раководи градот, неговата фирма „Нефи ИК“ добиваше тендери со високи суми пари. За две години, од општинските претпријатија добил 8 тендери, во вредност од над 225 илјади евра. Неговата фирма „Нефи ИК“ склучила 5 договори со ЈП „Охридски комуналец“, 2 со ЈП „Градски гробишта“ и 1 со ЈП „Нискоградба Охрид“.
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите