Анкетите покажаа- СДСМ стравува од соочување со волјата на граѓаните
Последните анкети на Брима Галуп и Институот за политички истражувања го даваат вистинскиот одговор на прашањето, зошто СДСМ се плаши од избори и ги минира преговорите, коментираат експертите.
Реномирана Брима Галуп во своето последно истражување покажа дека владејачката ВМРО-ДПМНЕ ужива скоро двојно поголем рејтинг од оној на СДСМ. Според анкетата, ВМРО-ДПМНЕ има поддршка кај 23,5% од гласачите додека во СДСМ веруваат 12,4% избирачи.
Во однос на политичките лидери, Груевски и натаму останува на врвот а неговиот рејтинг е за 3 пати повисок од оној на Заев.
Токму ваквото расположение на граѓаните, според експертите е главната причина поради која, СДСМ ќе стори се во април да не се случат договорените избори.
Дополнителна паника на Бихаќка предизвика и последната анкета на Институтот за политички истражувања направена за неделникот Република според која Граѓаните сметаат дека ВМРО-ДПМНЕ е партија што може да отвори повеќе работни места, што има подобри економски резултати, подобра е од СДСМ во однос на обезбедување стабилност и безбедност во државата, како и дека води поголема грижа за ранливите категории од населението, за пензионерите, за земјоделците и за младите.
Експертите велат дека по овие резултати, станува јасно зошто СДСМ во преговорите секојдневно излегува со нови барања и нелогични услови.
Експертите велат дека целта на СДСМ е со блокада на преговорите Македонија да ја загуби препораката за старт на преговорите за да може земјата да стагнира на својот евроатлански пат а за тоа да се обвини владата. Тие коментираат дека бегството од избори е единствениот спас за СДСМ во моментов и дека партијата се надева дека може да дојде на власт без да се организираат избори.
-
Александар Спасовски
Сите содржини од овој новинар