Анкета: Седум од десет Грци се против Русија во војната со Украина
Седум од десет Грци, односно 71 отсто се против Русија во војната со Украина, а само 14 проценти ја поддржуваат Москва, покажуваат резултатите од новото истражување на јавното мислење во Грција спроведено од агенцијата „Metron analysis“ за грчката телевизија „Мега“, јави дописничката на МИА од Атина.
Покачувањето на цените и економијата и понатаму, според анкетираните се најважните проблеми во земјата, 58 отсто сметаат дека поскапувањата се резултат на меѓународните случувања, а 39 проценти дека е одговорност на Владата.
На политичката сцена, разликата меѓу Нова демократија и СИРИЗА е 8,2 отсто, а актуелниот грчки премиер Кирјакос Мицотакис со 34 отсто е „најсоодветен за премиер“.
Од анкетираните, 38 отсто ја оценуваат позитивно работата на Владата, а 19 проценти негативно, а 54 отсто сметаат дека земјата оди во погрешна насока, наспроти 38 проценти што веруваат дека оди во правилна насока.
Истражување на јавното мислење на „Metron analysis“ за „Мега“ било спроведено меѓу 17 и 23 мај со анкетирани 1.300 лица.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри