Балкан
10. August 2017 - 19:06

Анкета: Само четири партии би влегле во Парламентот на Србија

Српска Напредна партија (СНС) има најголема доверба кај граѓаните на Србија, покажуваат резултатите на најновата анкета изработена од агенцијата „Фактор плус“.

СНС има доверба од 52,1 отсто од анкетираните граѓани. 

Прагот за влез во Парламентот, според анкетата го поминаа само три партии Социјалистичка партија на Србија (СПС) со поддршка од 9,2 проценти, Демократска партија - 7,9 и Движење на слободни граѓани - седум отсто.

Според резултатите од испитувањето на јавното мислење, националистичкото движење Двери (2,8 проценти) не би влегло во Парламентот, Српска радикална странка (четири отсто), Движење на обединети пензиоери (3,1 проценти), како и Социјалдемократската партија на Србија (2,8 отсто).

На прашањето ако сега би биле изборите 40 проценти од граѓаните изјавииле дека ќе гласаат, а 20 отсто дека се уште не одлучиле дали ќе гласаат или не.

Со анкетата на „Фактор плус“ се опфатени 1.200 граѓани. Анкетата е изработена по телефон во август.