Анкета: Повеќе од половина Руси веруваат дека Сталин бил „мудар лидер“

Повеќе од половина Руси го сметаат Сталин за „мудар лидер“, покажуваат резултати од најнова анкета.

Агенцијата „Левада“ спроведе анкета, според која 57 отсто од Русите изјавиле дека „Сталин е мудар лидер под чие раководење СССР била моќна и просперитетна земја“.

Анкетата покажала дека 71 процент од руските граѓани го сметаат за вистинит ставот дека „без разлика на грешките кои му се препишуваат на Сталин, сепак најважно е дека го водел рускиот народ до победа во Втората светска војна“.

На прашањето дали се согласуваат со ставот дека Сталин бил „брутален тиранин“, кој убил милиони луѓе, 62 отсто од анкетираните одговориле „да“, а 23 проценти не се согласуваат.