Анкета „Павел Шатев“: граѓаните веруваат во ветувањата и можност за реализација на ВМРО - ДПМНЕ

Ова се резултатите од третиот дел на анкетата спроведена во периодот помеѓу 29 Август и 1 Септември 2017 година од страна на Институтот „Павел Шатев“ на 1250 испитаници.

На прашањето „На која партија и верувате повеќе дека ќе ги исполни своите предизборни ветувања кон граѓаните“, 36,4 проценти одговориле дека тоа е партијата ВМРО-ДПМНЕ. Само 16,7 проценти дале одговор СДСМ.

„Помеѓу СДСМ и ВМРО-ДПМНЕ која партија сметате дека може да обезбеди повисок економски раст и отворање на нови работни места“ е второто прашање од третиот дел на анкетата. Дури 53,5 проценти од анкетираните граѓани истакнале дека тоа е ВМРО-ДПМНЕ. Следејќи ги политиките на СДСМ, граѓаните истакнуваат дека немаат доверба дека СДСМ ќе отвори нови работни места. Само 20,4 проценти на ова прашање одговориле дека веруваат во партијата на Зоран Заев.

Истражувањето беше спроведено на ниво на Република Македонија. Беа опфатени сите шест изборни единици, како и повеќе демографски карактеристики на населението вклучително пол и возраст, а исто така беше направена поделба и според руралните и урбани места на живеење при што Скопје е земено како посебна целина.