Анкета: Граѓаните на многу американски сојузници имаат повеќе доверба во Путин, отколку во Трамп
Владимир Путин е поприфатлив светски лидер од Доналд Трамп, сметаат граѓаните на повеќе сојузници на САД, вклучувајќи ги Јапонија, Јужна Кореја и седум држави членки на НАТО, се дознава од социолошкото истражување, цитирано од американските медиуми.
„И покрај тоа што постои ниско ниво на доверба во способноста на Путин да раководи со надворешните работи, луѓето во многу земји имаат поголема доверба во него отколку во американскиот претседател Доналд Трамп“, се наведува во истражувањето.
Во целина, резултатите и на двајцата се лоши, покажа сондажата на јавното мнение за почитувањето на работата на лидерите на истражувачкиот центар „Пју“, но е зачудувачки високо нивото на меѓународна недоверба кон американскиот претседател, односно, човекот што некогаш се нарекуваше „лидер на слободниот свет“, забележаа американските медиуми.
Повеќето луѓе во Грција, Германија, Турција, Унгарија, Франција, Италија и Шпанија сметаат дека Путин е поспособен од Трамп „да направи нешто правилно во светските текови“, покажа истражувањето.
Трамп забележува подобар резултат од својот руски колега во Велика Британија, Канада, Холандија, Полска, Австралија, Индонезија и Израел.
Истражувањето беше направено во 37 држави, претходно годинава, а во секоја од овие држави беа анкетирани меѓу 852 и 2.464 лица.
Ново на Сител
-
ВМРО-ДПМНЕ ја официјализира својата коалиција
-
Еко акција во Прилеп
-
Штипска фирма доби забрана за работа поради загадување
-
Преглед на вести од светот
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите