Анкета: Две третини од Германците сметаат дека Меркел не треба да добие Нобел за мир
Речиси две третини од Германците сметаат дека нивната канцеларка Ангела Меркел, која е меѓу фаворитите за овогодинешната Нобелова награда за мир, не треба да ја добие наградата, покажува истражување, објавено денеска во весникот „Ханделсблат“.
Мнозинството од 61 процент сметаат дека Меркел не е соодветен кандидат за наградата, чиј добитник ќе биде објавен утре во Осло, додека 34 проценти од анкетираните имаат спротивно мислење, покажува истражувањето на институтот „Форса“ спроведено на 1.002 учесници.
Единствено мнозинство од 54 проценти, што смета дека Меркел ја заслужува наградата, се испитаниците симпатизери на нејзината конзервативна партија.
Меркел е меѓу фаворитите за престижната награда поради улогата во конфликтот во Украина и поради отворањето на вратите на земјата за мигрантите, во време, кога Европа се соочи со бегалска криза.
Сепак, ставот на канцеларката за миграциското прашање доведе до пад на нејзината популарност во Германија.
Ново на Сител
-
Беќаровски: Денес дознав дека скафандерот можел да служи и инфицирано лице да шета низ здрава средина
-
Имотот ќе го пријавуваат сите административци кои даваат услуги на граѓаните, најавува Николовски
-
Николовски очекува целосно да се расчисти случајот со поранешниот генерален секретар на Владата
-
Николовски: На седница во вторник, Владата ќе предложи шести пакет економски мерки
-
САД категоричнo негираат каков било обид за атентат на Лукашенко или за државен удар во Белорусија
-
САД: Русија ќе се соочи со последици доколку Навални умре
-
Голема железничка несреќа во Египет, повредени најмалку 97 лица
-
Мото ГП: Квартараро триумфираше во Португалија