Анкета: Борут Пахор фаворит на претседателските избори
Словенечкиот претседател Борут Пахор најверојатно на изборите на 22 октомври ќе освои нов петтогодишен мандат, покажуваат резултатите од денеска објавената анкета во љубљанскиот весник „Дело“.
Според истражувањето на јавното мислење, кое го спроведе агенцијата „Еписцентар“, Пахор би можел да освои 37,2 отсто од гласовите, а на второ место би се нашол независниот кандидат и актуелен градоначалник на Камник, Марјан Шарец, со 23,1 процент.
На трето место, според истата анкета, би се нашла Људмила Новак, лидер на конзервативната партија „Нова Словенија“, со освоени 10,6 отсто од гласовите.
Доколку ниту еден од кандидатите не освои повеќе од 50 отсто од гласовите, двајцата најдобро пласирани ќе заминат во вториот круг од претседателските избори, кој ќе се одржи на 12 ноември.
Октомвриските претседателски избори претставуваат еден вид тест за рејтингот на политичките партии пред одржувањето на парламентарните избори кон средината на следната година.
Ново на Сител
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право